تناهيد/خمره/سكره/هم ورحيل ..!

    شاطر

    دُرر الكلام

    عدد المساهمات : 13
    تاريخ التسجيل : 22/11/2007

    GMT - 11 Hours تناهيد/خمره/سكره/هم ورحيل ..!

    مُساهمة من طرف دُرر الكلام في السبت يناير 05, 2008 1:42 am

    السلام عليكم ورحمة الله وبركاته

    .
    .
    .






    [ تناهيد /خمره / سكره]













    أبتنهّد
    إلين ألقاك ..
    وأعانق روحك وأبكيك
    تعكّر صبري يا حبي .. وبانت بي مواريّه

    عجزت
    أكذب على نفسي ..
    على رجوى أنا أرجيك
    أردد .. آه وآهاتي .. تنّطر حزت الجيّه

    على كفي
    زرعت الشوق ..
    سقيته من دمع أغليك
    وطاحت ثمرة أشواقي .. وأنا أرجي طلتّك ليّه

    متى تصفق كفوفي لك.. وأردد ياغلا لبيك
    نعم لبى .. [بعد عيني] .. وحي الملفي يا حيّه

    وأغنّي
    .. قصتي بموّال ..
    أبي حزني كذا يدفيك
    أبيك تحس .. تتفهّم .. عسى تغْرِقْني حنيّه



    تخمّر حبي يا روحي .. متى تقبل .. تعبت أدعيك

    تعـال ..
    وإرتشـف ..
    خــمــــري ..
    أبي تسكر .. من إيديّه



    أبتنّهد إلين ألقاك .. وأرتّل .. يا هوى أفديك
    فداك العمر وأيامه .. لأنك .. فرحته وضيّه




    ولا أعتب على قلبي .. إلامنه غصب يبكيك
    لأنك يالعشق [عالم] .. عجزت ألقى أبد زيّه












    [ شـلـت هـمـك ]








    تِنْكِر إني شلت همك .. فوق كتفي رغم .. صغري ..!
    تِنْكِر إني كنت أمك .. كنت أختـك / لـك صديـق..!
    تِنْكِر إنك مت فيني وتعشق أسلوبـي / وعطـري ..!
    تحب صوتي / تحب شوفي / ودنيتك دوني تضيق..!
    لا سألتك ردّ / وضّح / لا تجاوبنـي ب..مـدري ..!
    تِنْكِر إن اللي جمعنا بكل تفاصيله .. (( عريق )) ..!
    صح تدري إني أحبك / وإنت أحلى مافي عمـري..!
    و تدري إنك إنتشلته .. قلـب ٍ بحزنـه غريـق ..!
    تدري إني لك وبـس وأدري إنـك إنـت تـدري..!
    وتدري إني ما أرافق غيرك / إنت أغلـى رفيـق ..!













    [رحيل الحلم ]



    ويِرْبِكْنِي ..
    رحيل الحلم ..
    وصَحْوَة جرحي المكبوت
    ويضنيني .. صراخ الصبر .. إلا من شق أسماعي..!

    أخبّيني ..
    ورى عمري ..
    أخـاف يمـرّني هالمـوت
    وأنا لااااااااااازلت أتنطـّر .. عيونك تلمح أوجاعي ..!

    علامك ..
    ساكت الليله ..
    وتتحاشى أنين الصوت ..!
    تغفّيـني....وأنا أحاتي .. (ثلااث أربـاع أربـاعي) ..!


    [ربع] .. عانى جفاف الحس

    [ربع] .. متشرّب القسوه

    [ربع] .. يكره ملامح أمس

    [ربع] .. يحمل غثا عنوه

    [ربع] .. يتقن كثير الهمس

    يردد وجعتي غنوه ..!

    [ربع] يصرخ كفاني بس

    [ربع] يسعى لجل صحوه ..!








    ويبْكيني ..
    ضياع الفرح ..
    كأنه مبتلعه الحوت..!
    أمده .. بالسعّي لآجله .. ويخذل .. مدّة إذراعي ..!

    على صدر الأمل .. أغفى .. وفي حضني .. ثلاث إكروت
    وجع / أشواق/ [يا ذلي] ..وحنينٍ .. مربك أوضاعي ..!


    وأصحّيني ..
    على منوة .. بيبْني من .. غلاي بيوت
    ويصْفعني .. قسى قلبه .. بوقت ٍ ماله أي داعي..!

    عزاي إن الأمل موجود .. ولملمته وسط تابوت
    عزمت إنك تكون اللي .. لحفلة ضيعتي الداعي

    ترى من حقي أتكّلم .. قبل ما هالقـطـار يفوت
    وأظل لوحدي .. ولوحدي .. أخيّط رقعة شراعي..!

    دخيل اللي بلاني بك .. وهذا الملح .. وحلو التوت
    أبي مره على شاني .. تكون لوصلي الساعي ..!

    أبي تخذل وجع روحي .. وتطلق .. حلمي المكبوت
    وتنطقها أبيها منْك .. وترددها على أسماعي ..!



    وماتت باقي أرباعي ..!

    وأنا لازلت .. أكمّدها ..!

    غريبه رجفة أضلاعي..!

    إلا من قمت أهدّدها..!

    ترى ما للصبر داعي

    ويذبحني تردّدها ..!

    ينام الحلم مرتاعي

    وكلمة آه يردّدها ..!





    [b]أتمنى تنـــــــــــــــــــال إعجـــــــــابكم
    دُرر الكــ،،،،،ـــلام
    avatar
    مشفوح علوك
    المدير العام

    عدد المساهمات : 244
    تاريخ التسجيل : 28/09/2007

    GMT - 11 Hours رد: تناهيد/خمره/سكره/هم ورحيل ..!

    مُساهمة من طرف مشفوح علوك في السبت يناير 05, 2008 3:04 am

    الله يعطيك العافيه وتسلمين ع هالذوق

    تقبلي مروري مشفوح علوٍك


    _________________
    avatar
    منااااااااااير

    عدد المساهمات : 146
    تاريخ التسجيل : 14/11/2007

    GMT - 11 Hours رد: تناهيد/خمره/سكره/هم ورحيل ..!

    مُساهمة من طرف منااااااااااير في الأربعاء يناير 16, 2008 3:12 am

    سلمت اناملك
    الكلمات مرررررررره روعه
    واتمنى المزيد


    _________________




      الوقت/التاريخ الآن هو الجمعة يناير 18, 2019 11:14 am